سامحتهم يا قلب لين غدرو فيك
مدري متى ؟يا قلب تعرف صوابك
طبع البشر لا صارت بيوم ترجيك
كل يقول من الغلا يا هلا بك
هذا يبي قربك وهذا يراعيك
وهذاك يمدح في تودد جنابك
ولا طاحت عزومك ترى الكل جافيك
ولحد على ما قيل يحسب حسابك
وعز الله ان القرم ما هو مخليك
ولو شانت ضروف الزمن ما حكابك
اهل الوفا تبقى وفيه وتوفيك
وفي قربهم تجبر دواعي مصابك
يا قلب انا ماني على الله مزكيك
بس اعرفك يا قلب ابيض سحابك
وانا ادري ان الشوق بالحيل معميك
وصارت عرقك مثل ورد تشابك
لكن خلاص اليوم ما عاد يمديك
سهم الغدر من بين الاضلاع صابك
خلك على طبعك واسمى مباديك
يمكن مع الايام تعرف صوابك
(( منــقول ))